Sjálfboðaliðaferð sumarið 2016

Sumarið 2016 stendur Múltíkúltí fyrir sjálfboðaliðaferð fyrir ungt fólk til Indlands, Kenía og Tansaníu. Um er að ræða eins og hálfs mánaða ferð, byrjað í Indlandi í tíu daga, þaðan til Kenía í 20 daga og svo 15 daga í Tansaníu (valkostur að sleppa Indlandi).

Í ferðinni er lögð áhersla á að þátttakendur kynnast landi og þjóð um leið og þeir taka þátt í verkefnum Vina Indlands og Vina Kenía sem unnin eru í samvinnu við þarlenda sjálfboðaliða.
Á meðal verkefna sem unnin eru:

Aðstoð á barnaheimilum, leikskólum og kennslumiðstöðvum í Tamil Nadu í Suður-Indlandi.
Múrsteinagerð, ræktun grænmetis og kennsla í leik- og grunnskólum í Kenía og Tansaníu.
Eftirlit og aðhlynning með munaðarlausum börnum.
Aðstoð við kennslu s.s. ensku, landafræði, stærðfræði og á tölvur.
Jafningjafræðsla um HIV með ungum sjálfboðaliðum í Kenía.

Að auki verður heimsótt hof á Indlandi, þjóðgarður í Kenía, siglt út á Viktoríuvatnið o.fl.

Sjálfboðliðarnir sitja margþætt námskeið, alls 20 klukkustundir, áður en lagt er af stað þar sem fræðst er um verkefnin og grundvöll starfsins.

Ferðin sumarið 2016 er mest einn og hálfur mánuður sem kostar 410.000 krónur, en einnig er hægt að sleppa Indlandi og fara eingöngu til Kenía og Tansansíu og kostar sá hluti 355.000.

Innifalið í greiðslunni eru 2 námskeið og aðrir undirbúningsfundir sem nauðsynlegir eru vegna ferðarinnar, flugferðir, gisting, akstur til og frá helstu stöðum þar sem unnið er að verkefnum, vegabréfsáritanir til Indlands, Kenía og Tansaníu, morgunverður þegar gist er á hótelum, mat á stöðum þar sem verkefnin eru unnin, inngangseyri fyrir þjóðgarð og bátsferð á Viktoríuvatnið. Auk þess leggur Múltikúlti til tengingar við samstarfsaðila í Indlandi, Kenía og Tansaníu og aðkomu að verkefnum þar.

Ekki er innifalið: Bólusetning, matur í fríum (utan morgunverðar á hótelum), aðrar samgöngur, vasapeningar.
Ef þátttakandi óskar eftir að hætta í miðri ferð mun Múltíkúltí endurgreiða það sem hægt er, þ. e. þann kostnað sem ekki hefur þegar verið ráðstafað og aðstoða þátttakanda við að sækja útlagðan kostnað eins og hægt er, breyta flugferðum og komast heim.
Þátttakandi verður sjálfir að tryggja sig í ferðinni óski þeir þess, s.s. slysa, sjúkra og farangurstryggingar umfram þá lágmarktryggingu sem greiðslukortafyrirtæki v. kaupa á farmiða veitir.

Hægt er að lesa blogg frá ferð sjálfboðaliða úr fyrri ferðurm:

http://www.herdisgunnars.blogspot.com/ oghttp://harpaberg.blogspot.com/ oghttp://agnesogarni.blogcentral.is/ oghttp://tarabrynjars.blogcentral.is/
kindverjar.blogspot.com

Nánari upplýsingar: kjartanice@gmail.com og solveigjonas@gmail.com

Skildu eftir svar